

D2020

@##། །རྒྱ་གརསྐད་དུ། སུ་ནི་པྲ་པཉྩཏ་ཏྷྭ་ཨུ་ཕ་རེཤནཱ་མ། བོད་སྐད་དུ། ཤིན་ཏུ་སྤྲོད་པ་མེད་དེ་ཁོ་ན་ཉིད་ཀྱི་མན་ངག་ཅས་བྱ་བ། བཅོམ་ལྡན་འདས་འཇམ་པའི་དབྱངས་ལ་ཕྱག་འཚལ་ལོ། །སྟོང་ཉིད་སྙིང་རྗེ་གཅིག་པའི་སྐུ། །སྲིད་གསུམ་བདེ་ཆེན ངོ་བོ་ཉིད།།སྤྲོས་པའི་དྲི་མས་གོས་པའི། །བླ་མ་རྡོ་རྗེ་ཅན་ཞབས་འདུད། །འཇིག་རྟེན་གསུམ་ན་རྙེད་དཀའ་བ། །བླ་མ་མཆོག་གི་བཀའ་དྲིན་གྱིས། །སྐད་ཅིག་ཉིད་ལ་འཆར་བ་ནི། །བླ་མ་ཉེ་བར་བསྟེན་པར་བཤད། །ཤིན་ཏུ་འཇིགས་པའི་འདུར་ཁྲོད་ དུ།།འཇིག་རྟེན་ཆོས་ལ་ལྟོས་མེད་པའི། །རྣམ་རྟོག་ཀུན་སྤངས་དཔའ་བོས་ནི། །དོགས་པ་མེད་པར་བསྒྲུབ་པར་བྱ། །བློ་གྲོས་མཆོག་ལྡན་སྒྲུབ་བ་པ་པོས། །གཟའ་སྐར་ཚེས་གྲངས་འདིར་མེད་དེ། །དཀྱི+ེལ་འཁོར་ལ་སོགས་ལྷ་རྣམས་དང་། །ཕྱི་རོལ་བཀོད་པ་འདིར་མི་དགོས། ། བསམ་བཏན་བཟླས་པ་ཡོད་མ་ཡིན། །སྲེག་བླུགས་དང་ནི་གཏོར་མ་མེད། །ཕྱག་རྒྱ་བཅིངས་དང་འཁྲུལ་འཁོར་སོགས། །ཕྱི་རོལ་གཡེང་བ་ཀུན་སྤངས་ཏེ། །བརྩེ་ལྡན་གཞན་གྱི་དོན་སེམས་པ། །བླ་མའི་བྱིན་རླབས་ལ་བརྟེན་ནས། །སྐད་ཅིག་ཉིད་ལ་དངོས་གྲུབ་འགྱུར། །ཐོག མར་བླ་མ་ལྷར་བཅས་ལ།།མནྜལ་དབུས་ཞིང་མཆོད་གསོལ་གདབ། །གསང་སྔགས་རྒྱལ་པོ་རྗེས་དྲན་ནས། །སེམས་ནི་དག་ཅིང་ལས་རུང་འགྱུར། །བླ་མ་རང་ནི་རྡོ་རྗེ་སེམས། །ཐ་དད་པར་ནི་མི་བྱ་སྟེ། །བླ་མ་སངས་རྒྱས་ཆོས་དང་ནི། །དེ་བཞིན་དགེ་འདུན་བླ་མ་སྟེ། །དངོས་གྲུབ་གོ་ འཕང་མཆོག་འདོད་པས།།ཀུན་ནས་བླ་མ་མཉེས་པར་བྱ། །སངས་རྒྱས་ཀུན་དངོས་རྡོ་རྗེ་འཆང་། །རྩོད་པའི་དུས་འདིར་བདག་དོན་དུ། །ཀུན་དང་མཐུན་པར་སྟོན་མཛད་པ། །དེ་ལྟར་ཤེས་ནས་དངོས་ཀུན་གྱི། །བསྟེན་བྱ་དུས་གསུམ་སངས་རྒྱས་ཀྱི། །དངོས་གྲུབ་རྒྱ་ཆེན་སྣོད་དུ་འགྱུར། ། སྲིད་པའི་རྩ་བ་ཉོན་མོངས་དང་། །བདག་འཛིན་ལ་སོགས་མ་ལུས་པ། །ཞེན་པ་མེད་པའི་སེམས་ཀྱིས་ནི། །ལྟོས་པ་མེད་པར་གཏང་བར་བྱ། །དཀོན་མཆོག་གསུམ་དང་བླ་མ་ལ། །བསམ་པ་ཐག་པས་སྐྱབས་སོང་བས། །ལུས་ངག་ཡིད་གསུམ་སྒྲིབ་པ་གང་། །བགལ་བ་ཉལ་ངང་བཅས པས་གྲོལ།།སྐུ་གསུང་ཐུགས་ཀྱི་ཡི་ཤེས་ནི། །རྡོ་རྗེ་རྣམས་དང་དབྱིར་མེད་འགྱུར། །འདི་ཉིད་གསལ་ཞིང་སྟོང་པ་དང་། །རིག་པ་དེ་ཉིད་མ་འགགས་ལ། །རང་རིག་ཡི་ཤེས་སྐད་ཅིག་ལ། །འདིར་ནི་ཐོག་མ་དབུས་མཐའ་མེད། །སྲིད་མེད་མྱ་ངན་འདས་པ་མེད། །བདག་མེད་གཞན་ ཡང་མེད་པ་སྟེ།།འདི་ནི་མཆོག་གཏུ་བདེ་ཆེན་ཉིད། །འདི་ཉིད་གསལ་ཞིང་སྟོང་པ་ཉིད། །འདི་ལས་མཚོན་ཏེ་ཤེས་པ་བྱ། །འདི་ནི་རང་བཞིན་སྐུ་གསུམ་དང་། །ཡི་ཤེས་ལྔ་ཡི་བདག་ཉིད་ཅན། །སེམས་ཅན་རྣམས་ནི་སངས་རྒྱས་ཉིད་། །སངས་རྒྱས་གཞན་དུ་བསྟན་ པ་མེད།།སངས་རྒྱས་རྣམས་ཀྱི་ཡི་ཤེས་སྐུ། །གཞན་དུ་བཙལ་བས་རྙེད་མ་ཡིན། །ཆོས་ཀུན་སྟོང་པ་ཉིད་རྟོགས་པས། །འགྲོ་ལ་སྙིང་རྗེ་རྒྱུན་མི་འཆད། །ཐབས་མཁས་སྤྱོད་པ་མཐའ་ཡས་པ། །ཡུལ་དང་དངོས་པོ་མེད་པའོ། །སྒྱུ་མ་ལྟ་བུར་འཛིན་མེད་པ། །རྒྱ་ཆེན་བསོད་ནམས་ ཚོགས་ལ་འབད།།རྣམ་རྟོག་མ་རིག་ཆེན་པོ་སྟེ། །སྲིད་པའི་རྒྱ་མཚོར་ནུབ་བྱེད་ཡིན། །རྟོག་པའི་འཆིང་བ་པས་གྲོལ་བ། །དེ་ཚེ་མཆོག་གི་ལམ་རྙེད་དོ། །ཕྱི་རོལ་ཡུལ་གྱི་འཆིང་བྱེད་རྣམས། །བུ་ག་དབུ་ནས་སྙིང་གར་བསྡུ། །ནང་ནི་རྣམ་རྟོག་གཟུག་རྔུ་ཡང་། །སྤྱི་གཙུག་ནས་ནི་རྐང་མཐིལ་ བར།།མེ་ཤེལ་ཙམ་ནས་སྙིང་གར་དགུག་།སྙིང་གི་བུ་ག་གསལ་པོར་ཕྱེ། །སྐར་མ་དང་འཕོ་བ་ཇི་ལྟ་བར། །རྒྱ་མཚོའི་མཐར་ཐུག་སྤྲོ་བར་བྱ། །རྟོག་པ་དང་ནི་བྲལ་བ་ནི། །ལུས་ཀྱི་བདེ་བ་ཅན་དེར་སོན། །ཡི་གེ་གསུམ་གྱི་གསང་སྔགས་བརྗོད། །མཁའ་དང་རང་རིག་སྟོད་པ་ཉིད། ། རོག་ཅིག་གནམ་མཀའ་ཡི་ཤེས་བསྒོམ། །འདི་ནི་སངས་རྒྱས་ཐམས་ཅད་ཀྱི། །ཐུགས་ཀྱི་གསང་ཆེན་བླ་ན་མེད། །འདི་ནི་སྲིད་དང་ཞི་ལས་གྲོལ། །བླང་དང་དོར་བ་ཅི་ཡང་མེད། །བདེ་བ་དང་ནི་སྡུག་བསྔལ་དང་། །བདུད་དང་ཉོན་མོངས་ཡོན་མ་ཡིན། །ལྷ་དང་སྲིན་པོ་འདིར་མེད་དེ། ། ནད་དང་སྡུག་བསྔལ་གྱིས་མི་གོས། །འདིས་ནི་བདུད་དང་ཉོན་མོངས་འཇོམས། །འཇོམས་བྱེད་བཅོམ་ལྡན་འདས་ཞས་བྱ། །དེ་ལས་གཞན་པ་གང་ཡིན་པ། །ཆོས་ཀུན་གཉེན་པོར་མི་འགྱུར་ཏེ། །ཐམས་ཅད་རྟོག་པ་ཡིན་ཕྱིར་རོ། །རྟོག་པའི་འཆིང་བས་འཆིང་བར་འགྱུར། །དེ་ཉིད རྣལ་འབྱོར་པས་ཤེས་ནས།།ཕྱི་དང་ནང་དང་གཞན་རྣམས་ཀྱི། །སྤྲོས་པའི་དྲ་བ་རྣམ་པར་བཅད། །ཡུལ་གྱི་འཛིན་པ་རྣམ་པར་བཤིག་།སྟོང་བ་ཉིད་ལ་གཏད་ལེགས་ན། །རྟོག་པའི་དྲ་བ་སྤོང་བར་འགྱུར། །རྟེན་དང་བརྟན་པ་རྣམ་པར་དབྱེ། །མཉམ་པར་བཞག་པ་གོམས་པར་བྱ། ། དེ་ནས་བྱང་ཆུབ་སེམས་བསྐྱེད་པའི། །བླ་མའི་མན་དག་བཤད་པར་བྱ། །བླ་མ་རྡོ་རྗེ་འཆང་གི་སྐུ། །འོག་མིན་བདེ་ཆེན་དེར་བསྒོམས་ཏེ། །མི་ཕྱེད་བསམས་པས་གསོལ་བ་གདབ། །མཐར་ཕྱིན་ཚེ་ན་རང་ལ་བསྟིམ། །ཐོག་མེད་བརྩེ་བས་བསྐྱངས་པ་ཡི། །དྲིན་ཅན་རྣམས་ལ་སྙིང་རྗེ བསམ།།གནོད་བྱེད་འདི་རྣམས་བདག་གི་མ། །སྔོན་ཚེ་ཡང་ཡང་ཕན་བཏགས་ཀྱང་། །སྨྱོན་པ་བཞིན་དུ་རང་དབང་མེད། །མི་དགེའི་ལས་ཀྱིས་མནར་མེད་འགྱུར། །དེ་ལྟར་དྲན་པས་སྲིད་གསུམ་ལ། །སྙིང་རྗེ་མཐར་ཕྱིན་འགྱུར་བ་ཡིན། །ཕྱི་ནང་སྤྱོད་པ་མི་སྲུན་པས། །བློ་གྲོས་ཤིན་ ཏུ་འཁྲུགས་པའི་ཚེ།།བདག་དང་གཞན་དུ་བརྗེ་བ་ཡི། །བྱང་ཆུབ་སེམས་ནི་དྲན་པར་བྱ། །དུས་ནི་བདུད་དང་ཉོམ་མོངས་ཚོགས། །འཇོམས་ཤིང་སྤྲོས་མེད་ཉིད་དུ་འགྱུར། །སྲོག་འགག་པ་ཡི་སྦྱོར་བ་ཡིས། །གོམས་པར་བྱེད་པའི་རྣལ་འབྱོར་བས། །ཇི་ལྟར་རྡོ་རྗེའི་རྣལ་འབྱོར་གྱིས། ། ལུས་འདི་རྣམ་དག་སྦྱར་བར་བྱ། །དགང་བའི་སྦྱོར་བས་སྤྱི་གཙུག་ནས། །རྐང་མཐིལ་བར་དུ་དགང་བྱས་ལ། །རྔུབ་པའི་སྦྱོར་བས་ཞི་བར་བྱ། །དང་པར་སྲུབ་ཅིང་བསྲུབ་བར་བྱ། །གཉིས་པ་རྒྱ་མཚོ་བསྐྱོད་པ་སྟེ། །གསུམ་པ་བསད་པ་ནོར་ལྷ་གཉིས། །བཞི་པ་ཡན་ལག་བརྐྱང་བསྐུམ འདི།།ཕྱིགས་བཞི་གཡོ་ཞིང་སྲིད་གསུམ་བསྒྲགས། །འདི་ཡི་སྦྱོར་བས་གོམས་བྱས་ན། །ནད་ཀུན་ལས་ནི་གྲོལ་འགྱུར་ཞིང་། །འདི་ལྟར་རྒུད་དང་རྒས་པ་དང་། །འཆི་བདག་ཐག་རིང་ཀུན་རྟོག་འཇོམས། །སྲིད་པའི་འཆིང་བ་ལས་གྲོལ་ཞོང་། །སྤྲོས་མེད་ཡེ་ཤེས་གོ་འཕང་ འཐོབ།།དག་པའི་བཞི་མཉམ་བླང་བྱས་ཏེ། །གླ་རྩི་ཡིས་ནི་དུག་མེད་འགྱུར། །གཉྫི་དང་ནི་བ་རུང་། །སྒ་སྐྱ་དང་ནི་ལྷན་ཅིག་བྱས། །བུ་རམ་མར་དང་སྦྲང་རྩིར་བཅས། །གསང་སྔགས་བཟླས་ཤིང་ཞག་བདུན་བསྒྲུབ། །དམ་ཚིག་བརྟན་ལྡན་རྣལ་འབྱོར་པས། །ནང་པར་དུས་ སུ་བསྙེན་པ་བྱ།།སྐྲ་དཀར་གཉེར་མ་ལ་སོགས་སྤང་། །དབང་པོ་རྣམས་ནི་མཆོག་ཏུ་གསལ། །ལུས་ཀྱི་མདོག་རྒྱས་ཟོ་མདོག་བདེ། །མཁའ་འགྲོ་རྣམས་ཀྱིས་བྱིན་གྱིས་རློབས། །བདེ་བ་ཆེན་པོའི་ཏིང་འཛིན་དང་། །སྤྲོས་མེད་ཡེ་ཤེས་གོ་འཕང་འཐོབ། །རྡོ་རྗེ་འཇིག་བྱེད་ སྦྱོར་བ་ཡིས།།རྒྱལ་བའི་ཚོགས་སུ་མཉེས་བྱས་ཏེ། །སྙིང་གི་ཀུན་རྫོབ་སྣ་རྩེ་ནས། །སོར་བཞི་བཅལ་ནས་དབུ་མར་གཞུག་།ནོར་བུའི་བར་དུ་སྲོག་འཛིན་པ། །སྟེང་གི་དག་པས་ཟིན་པ་ཡིན། །ཕྱག་ན་རྡོ་རྗེ་གཟུང་བྱ་སྟེ། །གཡས་པའི་མཐིལ་གྱིས་བུམ་པ་སྦྱོར། ། ཙཀྵུ་གྱེན་དུ་བལྟ་བར་བྱ། །ཅིག་ཤོས་གཡོ་བར་མི་བྱེད་དེ། །བཐག་ཅམ་ཡང་མི་འབྱུང་ངོ་། །གལ་ཏེ་ཕྱི་རོལ་བྱུང་བ་ན། །མཁའ་འགྲོ་རྣམས་ཀྱིས་ཚར་གཅོད་དོ། །འགོ་རླུང་བསྡམས་པས་དགྲ་ཚོགས་ཞི། །སྟང་རླུང་མནན་པས་བདུད་རྣམས་འཇོམས། །དབུས་རླུང་དཀྲུགས པས་བར་ཆོད་སེལ།།རྣལ་འབྱོར་འདིལ་སྒྲུབ་པ་ངོས། །དུ་བར་སོགས་མངོན་ཤེས་སོ། །རྣམ་རྟོག་དྲ་བ་མ་ལུས་གཅོད། །ཤིན་ཏུ་སྤྲོས་མེད་གོ་འཕང་ཐོབ། །སྒྲུབ་པོའི་ལམ་གྱི་གེགས་བྱེད་པ། །བར་དུ་གཅོད་པ་དེས་ལ་བ། །ཕྱི་རོལ་བདུད་ཀྱིས་དཀྲུགས་པ་དང་། །ལུས་ལ་ སེམས་དང་རང་རིག་དང་།།ནད་དང་སྡུག་བསྔལ་རབས་པ་ཡིས། །བར་དུ་གཙོད་པ་ཕལ་ཆེར་ལ། །སྔར་གྱི་མན་ངག་སྒོམས་པ་ཡིས། །མཁའ་ལ་སྤྲིན་ཚེགས་འཁྲིགས་པ་ལ། །མི་བཟད་རུང་གིས་བསྐྱོད་པ་བཞིན། །གཞན་ཡང་བདུད་ཀྱི་བར་ཆད་གང་། །སྤྲོས་མེད་དེ་ཉིད་དབྱིངས་ སུ་བསྟིམ།།རྟེན་དང་བརྟེན་པ་སོ་སོར་བྱ། །འཛིན་པ་ཉིད་ལ་གཏང་པར་བྱ། །དེ་ལྟར་གོམས་པས་སྤྲོས་མེད་འགྱུར། །དགའ་དང་བདེ་བ་དང་བ་ཡིས། །ཕྱེ་དང་གསང་བ་མཚན་པར་བྱ། །བློ་ཡི་རྟོག་པ་མ་ཞིན། །སེམས་ཅན་ལམ་གྱི་དཔའ་བསྐྱེད་ལ། །ཏིལ་མར་དར་བཏགས་རལ་གྲི་ བཞིན།།ཐོགས་པ་ཆད་པར་གཞིམ་པར་བྱ། །ཤིན་ཏུ་སྤྲོས་མེད་དྲུ་མའི་གསུང་། །བླ་ཡོ་ཡུལ་དུ་གམ་སན་ཡང་། །སྤྲོས་པ་རྩུབ་མོས་བསྐྱོད་བའི་ཚེ། །དྲོ་ལ་སྤྲོས་མེད་ཀྱིས་ལ་རིག་།བློ་ནི་ཕལ་པར་བརྟན་པར་གནས། །དེ་ཚེ་སྤྲོས་པ་སྤྲོས་མེད་དུ། །རོ་གཅིག་མཉམ་པ་ཉིད་དུ་ཐིམ། ། འདྲེད་པ་སྲིན་པོ་འཇིགས་པའི་ཆོགས། །དུར་ཁྲོ་ང་རོ་ལངས་ལ་སོགས་པ། །འཁུན་དུང་རང་བབ་ཤུགས་པ་འབོད། །འཇིག་པ་རྣམ་པ་སྣ་ཚོགས་བ། །སེམས་ལས་མ་གཏོགས་གཞན་མེད་པས། །རང་སེམས་སྐར་མདའ་འཕོ་བ་ལྟར། །དེ་ཡི་སྙིང་ལ་ཐིམ་པ་ཡིས། །བློ་དང་ཞན དང་སྤྲོས་མེད་རྣམས།།སྤྲོས་མེད་ཡི་ཤེས་ཉིད་དུ་འགྱུར། །ཡང་ན་བློ་དེ་ཉིད་ལ་གཏང་། །བདག་གི་གཅེས་དེ་མཆོད་སྤྱན་བྱ། །མི་བཟད་གདོན་དང་འགོ་བའི་ནད། །སྡིག་པའི་རྨི་ལམ་འཕོ་བ་སོགས། །གཟའ་དང་རྒྱུ་སྐར་གདོན་ལ་སོགས། །ནད་དང་མྱ་ངན་སྡུག་བསྔལ་དང་། །དགྲ་དང་ འབྱུང་བའི་གནོད་པ་བྱ།།མི་དང་མི་མ་ཡིན་པ་ཡིས། །ཉེ་བར་འཚེ་བ་སྣ་ཚོགས་པ། །ཐག་པའི་སྦྲུལ་ནི་སངས་པ་བཞིན། །སྐྱུག་བྲོ་བ་དང་གཙང་སྦྲ་དང་། །འཛེམ་བག་དང་ནི་ངོ་ཚ་དང་། །སྤྲོས་མེད་ཡི་ཤེས་ཀྱིས་གཞོམ་བྱ། །བླ་མ་འདོད་ལྟར་བསྒྲུབ་བྱ་སྟེ། །དགའ་དང་བདེ་དང་རངས་པ་ དང་།།ཚིམ་དང་ང་རྒྱལ་དྲེགས་པ་དང་། །སྒེག་དང་ཚུལ་འཆོས་རྒྱན་ལ་སོགས། །སྤྲོས་མེད་ཡི་ཤེས་ངོ་བོ་ཉིད། །ཞུམ་དང་སྒྱིད་ལུག་མི་མཐུན་ཕྱོགས། །ཐམས་ཅད་སྤྲོས་མེད་ཉིད་དུ་འགྱུར། །མི་བཟད་ཉོན་མོངས་གང་ཡིན་པ། །སྤྲོས་མེད་དེ་ཉིད་ལས་གཞན་ཡིན། །དེ་ལྟར་བགྲོད་དང་ བགྲང་མིན་པ།།ཡིད་དུ་འོང་དང་མོ་འོང་བ། །ཤིན་ཏུ་སྤྲོས་མེད་སེམས་ཀྱིས་ནི། །ཞེན་པ་ཉིད་དུ་མི་བྱའོ། །འཇིག་རྟེན་རྣམས་དང་མཐུན་པ་ཡི། །རྣམ་གཞག་ཧྲུལ་པོ་བཤིགས་ནས་ཀྱང་། །དོགས་པ་མེད་པས་སེམས་ཀྱིས་ནི། །དཔའ་བོ་སེང་གེ་བཞིན་དུ་སྤྱོད། །དེ་ལས་ཡོན་ཏན་ ཕུན་སུམ་ཚོགས།།དཔལ་ལྡན་རྡོ་རྗེ་འཛིན་པར་འགྱུར། །ེ་མ་ཞི་བ་ཆེན་པའི་ཆོས། །ེ་མ་ཁྲོ་བོ་འཇིགས་མཛད་པ། །ེ་མ་མྱ་ངན་འདས་པ་མཆོག་།ེ་མ་འཁོར་བཞི་བ་ཉིད། །ེ་མ་འདི་ནི་རབ་ཏུ་མཚར། །སྐྱོན་ནི་གང་ཡིན་ཡོན་ཏན་འགྱུར། །བྱང་ཆུབ་སེམས་ནི་མངོན་ རྟོགསབྱེད།།དངོས་པོ་མིན་ཞིང་སྒོམ་པ་མིན། །ཁམས་ཀྱང་མིན་ཞིང་རྣམ་ཤེས་མིན། །ནམ་མཁའི་དཀྱིལ་དང་མཚུངས་པ་ཉིད། །ནམ་མཁའ་ལྟ་བུར་བདག་མེད་བ། །ཆོས་འདི་བདེ་བ་ཆེན་པོའོ། །ས་ཡང་མ་ཡིན་ཆུ་ཡང་མིན། །མེ་མིན་རླུང་མིན་ནམ་མཁའ་མིན། །རྡོ་རྗེས་ རིམས་པའི་སྦྱོར་བ་ཡིས།།སྐྱེ་བ་འདི་ལ་རབ་ཏུ་གནས། །དངོས་པོ་ཐམས་ཅད་དངོས་མེད་བཤད། །དངོས་པོ་མེད་ཅེས་མ་བསྒྲགས་པ། །རྣལ་འབྱོར་སྦྱོར་བ་དང་བྲལ་ཞིང་། །ཆད་པ་མ་ཡིན་རྟག་པ་མིན། །ཡན་ལག་མེད་ཅིང་ཁ་དོག་མེད། །ཐོག་མ་དབུས་དང་མཐའ་ཡང་སྤངས།། དངོས་པོ་ཐམས་ཅད་མེད་པར་འགྱུར། །མཆོག་ཏུ་དགའ་བའི་མཚན་ཉིད་དོ། །བསོད་ནམས་སྡིག་པ་དག་དང་མ་འབྲེལ་བ། །མཆོག་ཏུ་དགའ་བ་དྲི་མེད་དག་པ་ཡི། །དགོན་པོ་དེ་ཉིད་གཏེར་ཆེན་གཅིག་པུ་སྟེ། །ཀུན་ཀྱང་སྙིང་རྗེའི་སེམས་ཉིད་མགོན་འདི་ཡོད། །ཆོས རྣམས་ངོ་བོ་བདེ་བ་ཆེན་པོའི་མཆོག།།མཆོག་ཏུ་ལྷན་ཅིག་སྐྱེས་དགའི་ངོ་བོ་ནི། །གཟུགས་མེད་བསོད་ནམས་མེད་ཅིང་སྡིག་པ་མེད། །སྐྱེ་དང་འགག་པ་ཡོད་པ་མ་ཡིན་ནོ། །དེ་ལྟར་བླ་མའི་དྲིན་གྱིས་རང་ཉིད་ཡིད་ཆེས་དྲན་ཕྱིར་གསལ་བྱེད་པ། །དེ་ལ་ནོངས་གྱུར་དཔལ་ལྡན་བླ་མ་ལྷ་མོ་ རྣམས་ལ་བཟོད་པར་གསོལ།།རྒྱལ་བ་སྲས་བཅས་ཐུགས་ཀྱི་གསང་འདི་ལེགས་པར་བཀོད་པ་ཡིས། །བསོད་ནམས་གང་སྐྱེས་དེ་ཡིས་འགྲོ་ཀུན་རྡོ་རྗེ་འཛིན་གྱུར་ཅིག། །ཤིན་ཏུ་སྤྲོས་པ་མེད་པའི་དེ་ཁོ་ན་ཉིད་གྱི་མན་ངག་ཅེས་བྱ་བ། སློབ་དཔོན་དཔལ་ལྡན་མཐུ་སྟོབས་ཀྱི་མགོན་པོ་ཐུགས་ སྤྲོས་པ་མེད་པའི་དབྱིངས་ལས་མ་གཡོས་བཞིན་དུ།།སྐུའི་སྤྲོས་པ་དཔག་ཏུ་མེད་པས་གདུག་པ་ཅན་ཚར་གཅོད་ཅིང་། བཅོམ་ལྡན་འདས་ཀྱིས་དངོས་སུ་བྱིན་གྱིས་བརླབས་པའི་རྣལ་འབྱོར་གྱི་དབང་ཕྱུག་ཆེན་པོའི་རླབས་མཛད་པ་རྫོགས་སོ། །བསྟན་པ་སྲུང་བའི་ལྷ་རྣམས་ ཀྱིས་བུ་གཅིག་པ་ལྟར་བསྐྱངས་པས་རྒྱལ་པོ་གཞན་གྱི་རྒོལ་བས་གླགས་ལྟ་བར་མི་ནུས་པའི་ལྗོངས་ཆོས་ཀྱི་རྒྱལ་པོའི་སྐུ་མཁར་ཉི་མ་གཟུགས་སུ་རྒྱ་གར་གྱི་མཁན་པོ་པཎྜིཏ་དངོས་གྲུབ་བརྙེས་པ་དང་ལ་རྦན་ཨཱ་ཙཨཱརྱ་དང་།གློ་བོའི་ཙཱ་བ་དགེ་སློང་ཤེས་རབ་རིན་ཆེན་གྱིས་བསྒྱུར་ཅིང་ ་ཞུས་ཏེ་གཏན་ལ་ཕབ་པའོ།